2015 წელი

2015 წელს ჯგუფმა განახორციელა პროექტი „ქალები მომვალითვის“- რომელიც საქართველოს 5 რეგიონში ახალგაზრდებთან შეხვედრებს, მათთვის ტრენინგ- სემინარების ჩატარებასა და ახალგაზრდული ფემინისტური ჯგუფების შექმნას ისახავდა მიზნად. რეგიონებში სამიზნე ჯგუფებს ასევე ფემინისტური ლიტერატურა გადაეცათ. პროექტის ფინანსური პარტნიორი: ქალთა ფონდი საქართველოში.

2016 წელი

2016 წელს, ჯგუფმა პროექტი „ქართველი ფემინისტები-უკან მომვალში“განახორციელა, რომელიც ღია ფემინისტური მუზეუმის შექმნას მოიცავდა. პროექტის ფარგლებში ჯგუფმა იმუშავა ქართველ ფემინისტთა ტექსტებისა და ისტორიების ადაპტირებაზე და შექმნა გასულ საუკუნეებში მოღვაწე ფემინიტთა ინსტალაციები, ვიდეო მაპინგის ტექნოლოგიის გამოყენებით.

პროექტის ფინანსური პარტნიორი: ქალთა ფონდი საქართველოში.

2017 წელი

2017 წელს ჯგუფმა იმუშავა პროექტზე "დიალოგი წარსულთან", რომლის ფარგლებშიც შეიქმნა ახალგაზრდა მკვლევართა ჯგუფი, რომლებმაც ადგილობრივი მუზეუმებისა და საარქივო ჩანაწერების დახმარებით შიდა ქართლსა და იმერეთში შეისწავლეს ქალთა წარსული საქმიანობა და ქართველი ფემინისტების ისტორიები. მოკვლეული მასალის საფუძველზე შეიქმნა ბეჭდური დოკუმენტი და მხატვრულ-დოკუმენტური ფილმები, რომელიც რამდენიმე ქალის ისტორიას ასახავს.

პროექტი ქალთა ფონდის ფინანსური მხარდაჭერით ხორციელდება და მიზანად ისახავას ქართველი ფემინისტების შესახებ ინფორმაციის პოპულარიზაციას , ამასთან ფემინისტური თაობათაშორისი დიალოგის ხელშეწყობას.