როდის შეიქმნა პირველად გენდერული თანასწორობის საბჭო?

გენდერულ საკითხებზე მუშაობა საქაღთველოს პარლამენტში 2004 წლიდან დაიწყო და  ამავე პერიოდში შეიქმნა საქართველოს პარლამენტის თავმჯდომარესთან არსებული გენდერული საკითხების საკონსულტაციო საბჭო. მოგვიანებით, 2010 წელს „გენდერული თანასწორობის შესახებ“ საქართველოს კანონის მიღებისა და საქართველოს პარლამენტის რეგლამენტში შესაბამისი ცვლილებების განხორციელების შემდეგ, გენდერული თანასწორობის საბჭო საქართველოს პარლამენტის მუდმივმოქმედი ორგანო გახდა.

რა არის გენდერული თანასწორობის საბჭოს მისია/მიზანი?

• გენდერული თანასწორობის საბჭო უკვე რამდენიმე წელია შექმნილია პარლამენტთან, მისი მიზანია გენდერული თანასწორობის უზრუნველყოფა და სხვადასხვა სახის ღონისძიებების გატარება მთელი ქვეყნის მასშტაბით  გენდერული თანასწორობის მისაღწევად.მის მთავარ მიზანს გენდერულ საკითხებზე სისტემური და კოორდინირებული მუშაობის უზრუნველყოფა წარმოადგენს. მისი ერთერთი მნიშვნელოვანი ვალდებულებაა გენდერული თანასწორობის შესახებ ცნობიერების ამაღლება და ქალთა გაძლიერების მხარდამჭერი ღონისძიებების განხორციელება, რაც ერთობ მნიშვნელოვანია ქალთა უფლებრივი გაძლიერების კუთხით.

ვინ ხელმძღვანელობს და რამდენი წევრია პარლამენტთან არსებულ გენდერულ საბჭოში?

• საბჭოს თავმჯდომარეობს საქართველოს პარლამენტის თავმჯდომარე ან მისი დავალებით – საქართველოს პარლამენტის თავმჯდომარის ერთ-ერთი მოადგილე. 2017 წლის იანვრიდან პარლამენტის თვმჯდომარის გადაწყვეტილებით საბჭოს მისი პირველი მოადგილე- თამარ ჩუგოშვილი ხელმძღვანელობს. საბჭოს  შემადგენლობაში კი 16 წევრი შედის.

რატომ გახდა საჭირო გენდერული თანასწორობის საბჭოების რეგიონულ დონეზე შექმნა ?

სრული სტატია იხილეთ ბმულზე: http://youngfeminists.ge/index.php/magazin