💥ახალგაზრდა ფემინისტთა ჯგუფი აცხადებს ესეების კონკურსს შიდა ქართლში მცხოვრები ახალგაზრდებისთვის.
📌ააიპ "ახალგაზრდა ფემინისტები" არის ახალგაზრდული ფემინისტური გაერთიანება,რომელიც 2018 წლიდან ფუნქციონირებს შიდა ქართლში, გორში. ორგანიზაციის მისიაა ქალთა უფლებებისა და ფემინისტური ღირებულებების პოპულარიზაცია, ქალების/გოგონების გაძლიერების ხელშეწყობა საქართველოს მასშტაბით.
📌 საკონკურსო ესე უნდა ეხებოდეს თემას: ,,ქალები, მშვიდობა, უსაფრთხოება და წინააღმდეგობა”.
კონფლიქტების პრევენციის და ტრანსფორმაციის, ასევე მშვიდობის მშენებლობაში ქალთა ჩართულობისა მიზნით, 2000 წელს გაეროს უშიშროების საბჭომ მიიღო რეზოლუცია №1325, რომელიც განიხილავს ომის გავლენას ქალებზე და ქალთა სრული და თანაბარი მონაწილეობის მნიშვნელობას კონფლიქტების მოგვარების, მშვიდობის მშენებლობის, მშვიდობის შენარჩუნების, ჰუმანიტარული რეაგირების და პოსტკონფლიქტური რეკონსტრუქციის პროცესში.
შესაბამისად, საკონკურსო თემა შესაძლოა მოიცავდეს:
- კონფლიქტით დაზარალებული ან მშვიდობის მშენებლობაში ჩართული ქალები ისტორიებს;
-პოლიტიკის ანალიზს მშვიდობის მშენებლობის პროცესში ქალთა ჩართულობასთან დაკავშირებით;
- პოსტ-კონფლიქტური ტრანსფორმაციის საუკეთესო პრაქტიკების გაზიარებას;
- მშვიდობის და უსაფრთხოების ფემინისტური პერსპექტივის ანალიზს;
- ქალების მიერ ორგანიზებულ წინააღმდეგობის ისტორიებს;
- კონფლიქტთან დაკავშირებული ტრავმები; ტრავმასთან გამკლავების გზები და სხვა.
📌ტექნიკური მოთხოვნები:
- ავტორის საკონტაქტო ინფორმაცია (სახელი გვარი, საცხოვრებელი ადგილი, უნივერსიტეტი/სკოლა, ფაკულტეტი, ტელეფონის ნომერი, e-mail) მიუთითეთ თავფურცელზე.
- ერთი ნაშრომი შეიძლება წარადგინოს მხოლოდ ერთმა ავტორმა.
- ესეს მოცულობა უნდა იყოს 1000-1500 სიტყვა, შრიფტი - Sylfaen; შრიფტის ზომა - 12; ინტერვალი - 1,15.
- ნაშრომი უნდა ეკუთვნოდეს კონკურსში მონაწილე პირს, პლაგიატის აღმოჩენის შემთხვევაში ნაშრომი მოიხსნება კონკურსიდან.
📌კონკურსში გამარჯვებული ორ კატეგორიაში გამოვლინდება სტუდენტები და მოსწავლეები. გამარჯვებულ კანდიდატებს გადაეცემათ პრიზები: პლანშეტები და უკაბელო ყურსასმენები.
⏲ ნაშრომის გამოგზავნის ბოლო ვადაა 15 ივნისი (23:59).
📌 ნაშრომები უნდა გადმოგვიგზავნოთ შემდეგ ელექტრონულ მისამართზე: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.
📌სათაურის ველში (subject) მიუთითეთ - ესეების კონკურსი.
🌐 დამატებითი ინფორმაციისთვის ეწვიეთ: Youngfeminists.ge
📧 ან დაგვიკავშირდით ელ.ფოსტაზე ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.
